歌手陳慧敏（Vivian）與新歌《班門大叔》的監製CMgroovy上電台宣傳，他們表示新歌屬音樂社企計劃「一個人一首歌」十首歌的其中一首，而今次是由一位學院老師帶領一班畢業的學生所創作，主角是一名95歲的廟祝芬叔：「佢之前係做裝修，首歌都係想歌頌番佢哋，唔好只係記得啲設計名師個名，做裝修工作係好辛苦，咁啱我哋都有屋企人做裝修，唱嗰時都有特別嘅感覺。」

講到錄音趣事，Vivian就話未試過有十幾個人睇住自己錄音：「合作好有火花，每個人都有佢哋嘅意見，但佢哋喺創作上好清晰，好快就有共識。」她續指今次有種代發聲的感覺，就好似一個小妹妹去搵芬叔傾偈，從中了解對方，感覺好寫實，好似舞台劇咁：「好少創作上唔係由自己出發，係代人表達想呈現嘅事，諗到呢個計劃，都為音樂上帶嚟衝擊。（有親自見過芬叔？）仲未呀！希望之後可以帶埋作品搵佢。」

仲話未試過有十幾個人睇住自己錄音。

佢又指嚟緊可能帶埋作品廟祝芬叔。