論盡年結 2022

論盡年度專輯 – 埋班作樂II 作品集

文章來源：https://www.instagram.com/p/CnE1BqOpJeg/

繼 2020 年論盡年度專輯後，「埋班作樂」再次於今年奪得論盡年度專輯。

就如兩年前所講，雖然呢張專輯無實體版本係可惜，但專輯中 12 首作品展現出，係一班年青音樂人天馬行空嘅創意，以及源源不絕嘅熱血。每一首歌都展現出唔同嘅新想法，甚至為部分歌手打造與以往不一樣卻非常合身嘅音樂造型，都係專輯最致勝之處。

12 首歌 36 位新晉音樂人各施各法，為一眾歌手著上新衣，包括：有林奕匡不理世界快樂至上《快樂瘋》、為 SoulJase 腦中性感開餐嘅《深夜食壇》、雷同二友樂觀高歌《喔嗚嗚》、與衛蘭消磨多一秒時光《Leap Second》、走入 J.Arie 瘋狂嘅《Ma Zone》、揭開章尾而最性感一面嘅《貞》、小胡中佬單身自白《第一人稱單數》、Kendy Suen 刻畫出最玄嘅《◯》、同小肥身處黑色荒誕的《羔羊的墓冥圖》、與許廷鏗留在神經崩緊之《消音室》、葉巧琳向人性發出期盼嘅《抉擇叢書》、為最正經嘅梁釗峰大叫《由佢La》，首首有亮點，處處是驚喜。

「埋班作樂」不論 I 定 II，都為樂壇做左一次成功嘅實驗，值得嘉許。